Switchblade 600 մարտական անօդաչու թռչող սարքերը (ԱԹՍ) ԱՄՆ-ից Լիտվա կժամանեն 2024 թվականին։ Այս մասին հայտնում է Բալթյան Հանրապետության պաշտպանության նախարարությունը։
«Մենք ԱՄՆ-ից հետո կդառնանք առաջին երկիրը, որը կհամալրի իր բանակը նոր անօդաչու սարքերով, ինչը զգալիորեն կամրապնդի մեր կարողությունները՝ պաշտպանելու ստորաբաժանումների վերաբաշխումը», – հաղորդագրության մեջ մեջբերում է ռազմական գերատեսչության ղեկավար Արվիդաս Անուսաուսկասի խոսքերը, ով այցով գտնվում է ԱՄՆ-ում։
Անօդաչու մեքենաների հետ մեկտեղ Լիտվան կստանա սարքավորումներ դրանք գործարկելու և վերահսկելու համար, տեխնիկական փաթեթներ և անձնակազմի պատրաստման սիմուլյատորներ:
Մարտական անօդաչու թռչող սարքերի ձեռքբերման մասին պայմանագիրը Լիտվայի կողմից ստորագրվել է ԱՄՆ-ի գործընկերների հետ 2022 թվականի դեկտեմբերին։ Անօդաչու թռչող սարքերի և ուղեկցող սարքավորումների ձեռքբերման պայմանագրի արժեքը կազմում է 45 միլիոն եվրո։