«Լիվերպուլը» առաջարկ է արել «Ռեալ Սոսյեդադին»՝ վինգեր Տակեֆուսա Կուբոյի տրանսֆերի վերաբերյալ, հայտնում է TeamTalk-ը։
Կուբոն 2022 թվականին Մադրիդի «Ռեալից» բասկյան ակումբին միանալուց հետո դարձել է «Ռեալ Սոսյեդադի» առաջատարներից մեկը: 23-ամյա ֆուտբոլիստի ծառայություններով հետաքրքրված են նաև Պրեմիեր լիգայի այլ ակումբներ, մասնավորապես «Տոտենհեմը», որն ավելի վաղ ևս կապվել էր իսպանական ակումբի հետ Կուբոյի տրանսֆերի վերաբերյալ։
Այժմ, ըստ ճապոնական լրատվամիջոցների, որոնք հղում են անում անգլիական աղբյուրներին, «Լիվերպուլը» պատրաստվում է առաջարկել 65 միլիոն եվրո (54,8 միլիոն ֆունտ ստերլինգ) Կուբոյի համար, ինչը իրականում 5 միլիոն եվրոյով ավելի է, քան «Ռեալ Սոսյեդադի» հետ պայմանագրում առկա փոխհատուցման կետը (60 մլն եվրո):
Դա ոչ միայն Կուբոյին կդարձնի բոլոր ժամանակների ամենաթանկարժեք, այլև նա կարող է դառնալ բոլոր ժամանակների ամենաբարձր վարձատրվող ճապոնացի ֆուտբոլիստը:
Նշվում է, որ «Լիվերպուլը» պատրաստ է Կուբոյին տարեկան 15 միլիոն եվրո աշխատավարձ առաջարկել: «Լիվերպուլի» միակ ֆուտբոլիստը, որն այժմ ավելին է ստանում, Սալահն է: Կուբոն կարող է դառնալ ԱՊԼ-ի ամենաբարձր վարձատրվող ֆուտբոլիստներից մեկը։
