«Լիվերպուլը» հետաքրքրված է «Ֆուլհեմի» կիսապաշտպան Ժոաո Պալինյայի ծառայություններով, հայտնում է Daily Mail-ը:
Աղբյուրի համաձայն՝ 27-ամյա պորտուգալացուն հավակնում են մի քանի ակումբներ, սակայն ֆավորիտ է համարվում «Լիվերպուլը»։ Թիմի գլխավոր մարզիչ Յուրգեն Կլոպը կարծում է, որ Պալինյային կարելի է թիմ հրավիրել, եթե չստացվի համաձայնեցնել Ջուդ Բելինգհեմի տրանսֆերը։
Ֆուլհեմը Պագլինյոյին գնահատում է 60 մլն ֆունտ (67,8 մլն եվրո): Միաժամանակ, ակումբում վստահ են, որ կկարողանան պորտուգալացուն պահել առնվազն եւս մեկ տարի։
Ավելի վաղ հաղորդվում էր, որ ֆուտբոլիստով հետաքրքրված են «Մանչեսթեր Յունայթեդը», «Արսենալը», «Չելսին», «Նյուքասլը» և «Տոտենհեմը»:
Պալինյան «Ֆուլհեմ» է տեղափոխվել «Սպորտինգից» 2022 թվականի ամռանը՝ 20 միլիոն ֆունտ ստեռլինգի դիմաց։ Նրա պայմանագիրն ուժի մեջ է մինչև 2027 թվականը։
Այս մրցաշրջանում նա բոլոր մրցաշարերում անցկացրել է 28 հանդիպում և դարձել 4 գոլի հեղինակ։
ԽՈՐՀՈւՐԴ Է ՏՐՎՈւՄ ԿԱՐԴԱԼ
