fbpx
Սպորտ

Լոռին ու Շիրակը պահանջում են հրավիրել ՀՖՖ արտահերթ ժողով

Հայաստանի ֆուտբոլի Բարձրագույն խմբում հանդես եկող «Շիրակ» և «Լոռի» ակումբների նախագահները հանդես են եկել համատեղ հայտարարությամբ։

«Հարգելի գործընկերներ,
ֆուտբոլային ընտանիքի ներկայացուցիչներ,

Արդեն տևական ժամանակ է, ինչ Հայաստանի Առաջին խմբի առաջնությունում հանդես են գալիս անհայտ ծագումով և խիստ կասկածելի արդյունքներով աչքի ընկնող մի խումբ ակումբներ: Ասվածի վառ ապացույցն է նաև այն, որ կան հարուցված քրեական գործեր, որի արդյունքում մի շարք անձանց նկատմամբ նաև հետախուզում է հայտարարվել:

Չնայած այս ամենին, ակումբները շարունակում են իրենց ելույթներն առաջին խմբում՝ մեծ վնաս հասցնելով երիտասարդ հայ խաղացողներին, ովքեր ընդգրկված են Առաջին խմբի այլ թիմերում:
Բարձրագույն խմբի ընթացիկ առաջնությունը ևս մեծ հարված կրեց, երբ անհայտ անձանց կողմից ղեկավարվող «Երևան» ակումբը ոչ ֆուտբոլային հաշիվներով պարտություններ էր կրում մյուս մասնակիցներից, իսկ ձմռանը դադարեցրեց ելույթները:

Համաճարակի նմանվող այս արատավոր երևույթը կանխելու և հայկական ֆուտբոլը նմանատիպ թիմերից զերծ պահելու համար՝ պահանջում ենք հրավիրել ՀՖՖ արտահերթ ժողով և քննարկել կասկածելի գործունեությամբ աչքի ընկող ակումբների հարցը:

Նմանատիպ ակումբները պետք է զրկվեն նաև ՀՖՖ անդամ լինելուց: Անթույլատրելի է, որ նման ակումբները շարունակեն իրենց ելույթները ՀՖՖ կողմից կազմակերպվող մրցաշարարերին»։

Նշենք, որ «Լոռիի» նախագահը Թովմաս Գրիգորյանն է, իսկ «Շիրակի» նախագահը Արման Սահակյանը։

https://www.facebook.com/fclori/posts/3327604460607362?__cft__[0]=AZWYo6N2Jfr2O8MJizKWBg13bbsSgqqMDlA9LDDnarcdK_uFCPCEWkiN8EHFprMqX5-2IK9v-3tdP2ar9FnT084wjrV87syLe33zgCTi3JvSwdHud-oH5VZ6LuzxUy9-M8lfQpSpDOtwcec2y6fzO5pAenJDMWEFxx8tBa_-2_lR8A&__tn__=%2CO%2CP-R

https://www.facebook.com/SCShirak/posts/3996436657096280?__cft__[0]=AZXrMuIfgrT9Bfga5UM00LiddU4oOKlV_-0MuKyUOxUZB28SL3p-gDWi3CvHp2z-S97reajsJJI6vK9wpfft-Cv28QT-r46Q2jikj7gQNKVNUU7Djwo44CcSbKlwKdgAMi1F_N3eoW2aHcNWX0fKVXE61FgAuVJ1L_bHWHyEaUVA_Q&__tn__=%2CO%2CP-R

ԱՄԵՆԱԴԻՏՎԱԾՆԵՐԸ

ՎԵՐ