Ֆրանսիայի նախագահ Էմանյուել Մակրոնը այսօր ժամանել է Կիպրոս՝ քննարկելու Մերձավոր Արևելքի և Միջերկրական ծովի տարածաշրջանային անվտանգության հարցերը։ Պաֆոսում նա հանդիպել է Կիպրոսի նախագահ Նիկոս Քրիտոդուլիդիսի և Հունաստանի վարչապետ Կիրակոս Միցոտակիսի հետ՝ ամրապնդելու համագործակցությունը և քննարկելու վերջին զարգացումները։ Ֆրանսիան մեծացրել է իր ռազմական ներկայությունը Միջերկրականում՝ տեղակայելով «Charles de Gaulle» ավիակիր նավը, ֆրիգատներ և հակաօդային պաշտպանության համակարգեր, որպեսզի ցույց տա իր աջակցությունը Կիպրոսին և տարածաշրջանում ապահովի կայունություն։
Մինչդեռ Թուրքիայի կողմից Հյուսիսային Կիպրոսում տեղակայվել են վեց F-16 կործանիչներ և ՀՕՊ համակարգեր։ Այս քայլը պայմանավորված է Իրանի և ԱՄՆ միջեւ հակամարտության հետևանքով Կիպրոսում տեղի ունեցած հրթիռային հարվածներով։ Իրանը պատասխան հարվածներ է հասցնում ԱՄՆ բազաներին և դիվանագիտական հաստատություններին, ինչը սրել է հակամարտությունը։