Վենեսուելայի նախագահ Նիկոլաս Մադուրոն կարգադրել է PDVSA նավթընկերության գրասենյակը Լիսաբոնից տեղափոխել Մոսկվա: Այս մասին հայտնել է երկրի փոխնախագահ Դելսի Ռոդրիգեսը:
Նախագահ Նիկոլաս Մադուրոն կարգադրություն է արել փակել PDVSA-ի՝ Լիսաբոնի բաժանմունքը և գրասենյակը տեղափոխել Մոսկվա»,- ասել է Ռոդրիգեսը ՌԴ-ի արտաքին գործերի նախարարության ղեկավար Սերգեյ Լավրովի հետ կայացած համատեղ մամուլի ասուլիսում:
Նա ընդգծել է, որ Վենեսուելան անհրաժեշտ քայլեր կձեռնարկի, որպեսզի երաշխավորի իր օրինական ակտիվների պաշտպանության, քննության և վերադարձի իրավունքն «այն երկրներում, որտեղ դա անհրաժեշտ է»: Հունվարի վերջին Վաշինգտոնը պատժամիջոցներ է սահմանել PDVSA-ի դեմ՝ արգելելով դրա հաշիվներին միջոցների փոխանցումն ԱՄՆ-ից, որտեղ իրացվում է ընկերության արտահանած նավթի հիմնական մասը: ԱՄՆ-ում PDVSA-ի սեփականությունը, որտեղ ընկերությանն պատկանում է երեք խոշոր նավթավերամշակման գործարան, արգելափակված է, իսկ ԱՄՆ-ի քաղաքացիներին արգելվում է գործարքավարություններ կատարել ընկերության հետ, հաղորդել է «Ինտերֆաքս»-ը:
