92 տարեկան հասակում Լոս Անջելեսում մահացել է ամերիկացի հանրաճանաչ դերասանուհի Ջուլի Ադամսը: Այդ մասին հայտնել է Variety-ն: Կինոյում և հեռուստատեսությունում դերասանուհու դեբյուտը կայացել է 1949 թվականին, իսկ հռչակը եկել 1954 թվականին՝ «Սև ծովալճակի արարածները» ֆիլմի էկրաններ բարձրանալուց հետո, որտեղ նա խաղացել է գլխավոր դերերից մեկը:
Մի քանի տասնյակ տարիների ընթացքում Ադամսը նկարահանվել է 50 ֆիլմերում, ինչպես նաև բազմաթիվ հեռուստատեսային նախագծերում: Դրանց թվում են՝ «Փերի Մեյսոնը», «Մեռլոուզ Փլեյս», «Բևեռլի Հիլզ, 90210», «Նա գրել է սպանություն» և «Մնալ ողջ» ֆիլմերը: Դերասանուհին ուներ երկու որդի և չորս թոռ, հաղորդել է ՌԻԱ Նովոստին:
