«Մանչեսթեր Սիթին» հետաքրքրված է իրավիճակով, որ զարգանում է «Բարսելոնա»-ի հարձակվող Լիոնել Մեսսիի շուրջ։ Այս մասին հաղորդում է ESPN-ը:
32-ամյա ֆուտբոլիստի և կատալոնացիների միջև կնքված պայմանագրում կա մի կետ, համաձայն որի՝ նրան հնարավորություն կտրվի մրցաշրջանի ավարտից հետո անվճար լքել ակումբը:
«Մանչեսթեր Սիթին» հասկանում է, որ «Բարսա»-ից Մեսսի հեռանալը քիչ հավանական է, բայց եթե դա տեղի ունենա, անգլաիական ակումբը կփորձի Լեոյին հրավիրել իրենց թիմ 2021 թվականի ամռանը:
«Սիթին» կարծում է, որ իրենք ֆավորիտ կլինեն Մեսսիի համար պայքարում՝ ակումբի ղեկավարության և գլխավոր մարզիչ Խոսեպ Գվարդիոլայի հետ ունեցած լավ հարաբերությունների պատճառով:
Ավելի վաղ Մեսսին հեռակա վեճի էր բռնվել «Բարսելոնա»-ի մարզական տնօրեն Էրիկ Աբիդալի հետ այն հայտարարության պատճառով, որ ոչ բոլոր ֆուտբոլիստներն էին գոհ նախկին գլխավոր մարզիչ Էռնեստո Վալվերդեից:
