Սինգապուրի իրավապահ մարմինները ձերբակալել են հայտնի բլոգեր Մոհամմադ Հուսին Սաիդին, որը համացանցում հայտնի է MangoBossKu անունով։ Ձերբակալությունը տեղի է ունեցել 2026 թվականի մայիսի 4-ին Իշուն շրջանում գտնվող նրա ավտոլվացման կետում։ Պատճառը համացանցում տարածված մի տեսանյութ է, որտեղ երևում է, թե ինչպես են սպառնալիքի տակ մի տղամարդու ստիպում մերկանալ։ Տուժողը քաղաքում հայտնի ռեստորանատեր է, ով ոստիկանությունում հայտարարել է, որ միջադեպը տեղի է ունեցել դեռևս 2025 թվականի նոյեբերին, սակայն տեսանյութը հանրայնացվել է միայն հիմա։
Ըստ The Straits Times պարբերականի, տեսանյութում բլոգերը զոհին մեղադրում է իր կնոջ հետ մտերիմ հարաբերություններ ունենալու մեջ։ Չնայած ոստիկանության հաստատմանը, որ հետաքննություն է ընթանում, MangoBossKu-ն հերքում է իր մասնակցությունը տեսանյութի տարածմանը՝ պնդելով, թե ինքը միայն հարցաքննվել է։ Իրավաբանների կարծիքով՝ այս գործը կարող է դիտարկվել որպես քրեական սպառնալիք և անձնական տվյալների ապօրինի տարածում, ինչը Սինգապուրում խիստ պատժելի է։
Մոհամմադ Հուսին Սաիդը հայտնի է դարձել իր սննդի բիզնեսի շնորհիվ և նախկինում բացահայտ խոսել է իր քրեական անցյալի մասին։ Այս նոր սկանդալը կրկին ուշադրության կենտրոնում է պահում բլոգերների պատասխանատվության հարցը համացանցում իրենց վարքագծի համար։ Ոստիկանությունը շարունակում է պարզել, թե ով է իրականում տարածել սկանդալային կադրերը։