Այսօր ճեպազրույցի ընթացքում ԱԺ «Բարգավաճ հայաստան» խմբակցության պատգամավոր Իվետա Տոնոյանը խոսեց Վազգեն Մանուկյանի՝ հանրահավաքի անհրաժեշտության մասին հայտարարությանը։
Տոնոյանը հայտնեց, որ դա Մանուկյանի նախաձեռնություն է եղել։ Բայց, նշեց նաև, որ վերջինս, որպես «Հայրենիքի փրկության շարժման» վարչապետի թեկնածու, ազատ է հանդես գալ սեփական միջոցառումներով ու հանդիպումներով։
ԲՀԿ պատգամավորը նշեց նաև, որ մասնակցության վերաբերյալ առանձին խոսակցություն չեն ունեցել, բայց իրենց բոլոր համակիրներն ու կուսակիցները կարող են ազատ մասնակցել հանրահավաքին։
