Ավելի քան 850 մարդասիրական օգնություն տեղափոխող բեռնատարներ մինչ այժմ մտել են Գազայի հատված։
Այս մասին ճեպազրույցում հայտարարել է Իսրայելի պաշտպանության բանակի ռեզերվում գտնվող մամուլի խոսնակ Ջոնաթան Կոնրիկուսը։
«Մենք շարունակում ենք օգնություն տրամադրել Գազային: Ավելի ու ավելի շատ բեռնատարներ են մտնում Գազայի հատված: Մինչ այժմ նրանցից ավելի քան 850-ը մուտք է գործել տարածք»,-ասել է նա:
Նրա խոսքով, իրենք առաքել են սնունդ, դեղորայք, կացարանների սարքավորումներ, վրաններ, ժամանակավոր տներ, ջուր։
«Բեռնատարները կարող են մեծ բան չփոխել, բայց խոսքը 6 հազար տոննա սննդի, 2,5 հազար տոննա տարբեր բժշկական սարքավորումների մասին է», – ավելացրել է Կոնրիկուսը:
Գազայի հատված մարդասիրական օգնության մատակարարումը սկսվել է հոկտեմբերի 21-ին՝ մերձավորարևելյան հակամարտության սրման սկսվելուց երկու շաբաթ անց։
