Ռուսաստանի անվտանգության դաշնային ծառայությունից տեղեկացնում են, որ Մախաչկալայում և Գրոզնիում բերման է ենթարկվել «Իսլամական պետություն» ահաբեկչական խմբավորման 5 անդամ:
Գերատեսչության տվյալներով՝ բերման ենթարկվածները մտադիր էին ահաբեկչություններ կազմակերպել Գրոզնիում և Կասպիյսկում իրավապահ մարմինների դեմ:
«Այդ նպատակների համար հանցագործների կողմից համացանցով ստացված հրահանգների միջոցով ծրագրվում էր ինքնաշեն պայթուցիկ սարք պատրաստել»,- ասված է գերատեսչության հաղորդագրության մեջ:
Նշվում է, որ բերման ենթարկվածների մոտ հայտնաբերվել են պայթուցիկ սարք պատրաստելու բաղադրամասեր և սուիցիդալ բնույթ կրող գրառումներ: