«Միլանի» դարպասապահ Միկ Մենյանը շուտով կարող է տեղափոխվել եվրոպական մեկ այլ բարձրակարգ ակումբ։ Այս մասին հայտնում է Footmercato-ն։
Ըստ աղբյուրի՝ ֆրանսիացի դարպասապահին ու նրա ներկայացուցիչներին չի գոհացնում ներկայիս աշխատավարձը։ Եթե «Միլանը» մոտ ապագայում չվերանայի ֆուտբոլիստի աշխատավարձը, նա կարող է տրանսֆերի հայտ ներկայացնել: Նշվում է, որ Մենյանին հավակնում են այնպիսի հսկաներ, ինչպիսիք են «Չելսին», «Բավարիան», ՊՍԺ-ն և «Մանչեսթեր Յունայթեդը»: Միլանցիների ղեկավարները խաղացողին գնահատում են 70-80 միլիոն եվրո:
Մենյանը «Միլանում» հանդես է գալիս 2021 թվականից։ Այս մրցաշրջանում դարպասապահը «ռոսոներիների» կազմում անցկացրել է 16 հանդիպում բոլոր մրցաշարերում, որոնցում բաց է թողել 20 գնդակ։ Ֆուտբոլիստի պայմանագիրն իտալական ակումբի հետ ուժի մեջ է մինչև 2026 թվականի հունիսի վերջը։ Ֆուտբոլիստի գնահատված արժեքը, Transfermarkt ինտերնետային պորտալի տվյալներով, կազմում է 45 մլն եվրո։
