Լիոնել Մեսսին վաղը կանցկացնի իր առաջին խաղը «Պարի Սեն Ժերմենի» կազմում այն բանից հետո, երբ Արգենտինայի հավաքականը հաղթեց ԱԱ-2022-ում:
Հունվարի 4-ին հարձակվողը վերադարձել է ՊՍԺ՝ ակումբի կողմից իրեն տրամադրված արձակուրդից հետո։
Ինչպես հայտնում է L’Équipe-ը, երեկ Մեսսին մարզվել է սովորականի պես։ Եթե ինչ-որ անսպասելի բան տեղի չունենա, նա կլինի ՊՍԺ-ի մեկնարկային կազմում վաղը կայանալիք Լիգա 1-ի 18-րդ տուրի՝ Անժերի դեմ խաղում:
Նեյմարի մասնակցությունն այս խաղին հարցականի տակ է։ Երկուշաբթի օրը բրազիլացին անցկացրել է ՊՍԺ-ի մարզումների մի մասը։ Մարզչական շտաբը կգնահատի, թե քանի րոպե է հարձակվողը պատրաստ խաղալու։ Նեյմարը բաց է թողել Ֆրանսիայի գավաթի խաղը «Շատորոյի» դեմ (3-1)՝ բուժվելու համար 2022 թվականի աշխարհի առաջնության Բրազիլիա-Սերբիա խաղում ստացած վնասվածքի պատճառով:
Այսօր ՊՍԺ կվերադառնան Կիլիան Մբապեն և Աշրաֆ Հակիմին, ովքեր մեկ շաբաթ արձակուրդ են ստացել։ Սպասվում է, որ հունվարի 15-ին նրանք կհանդիպեն «Ռենի» հետ Լիգա 1-ի 19-րդ տուրի խաղում: