Իռլանդիայի օդերևութաբանական ծառայությունը՝ Met Éireann-ը, հայտարարել է նարնջագույն (Orange) մակարդակի վտանգի մասին Գոլուեյ, Մայո և Ռոսկոմոն կոմսություններում։ Զգուշացումը հաջորդել է Աթենրի քաղաքի մերձակայքում ֆունելաձև ամպի (funnel cloud) նկատվելուն, որն արձանագրվել է տեսանյութում։
Այս երևույթը տեղի է ունեցել երկրում աննախադեպ շոգի ֆոնին, երբ ջերմաստիճանը հասել էր գրեթե 32 աստիճանի։ Met Éireann-ի տվյալներով՝ մինչև տեղական ժամանակով ժամը 20:00-ը գործող նարնջագույն զգուշացումը նախազգուշացնում է տեղային ջրհեղեղների, կարկուտի, ինչպես նաև էլեկտրամատակարարման, կապի և կոմունալ ենթակառուցվածքների հնարավոր վնասների մասին։
Բացի այդ, երկրի ողջ տարածքում պահպանվում է դեղին (Yellow) մակարդակի ջերմային զգուշացումը՝ մինչև 29 աստիճան տաքությամբ։ Օդերևութաբանները նշում են, որ հանկարծակի շոգը հանգեցրել է մթնոլորտային անկայունության, ինչն էլ առաջացրել է ուժգին ամպրոպներ։ Կանխատեսումների համաձայն՝ անկայուն եղանակը կպահպանվի նաև շաբաթ օրը՝ հարավ-արևելյան ուղղությամբ տեղումների և ամպրոպների հավանականությամբ։