Երևանի մետրոպոլիտենում հիմնովին փոփոխարինվում են վճարային համակարգերը։ Այս մասին տեղեկանում ենք մետրոպոլիտենի ֆեյսբուքյան էջից։
«Արդեն իսկ «Բարեկամություն», «Մարշալ Բաղրամյան» և «Երիտասարդական» կայարաններում տեղադրվել և փորձարկվում են անցակետերի նոր անցարգելներ, նոր վճարային համակարգով։
Թվով 49 անցակետերի անցարգելներ կտեղադրվեն մոտակա մեկ ամսվա ընթացքում բոլոր կայարաններում։
Տեղեկացնում ենք նաև, որ վճարային նոր համակարգից արդեն օգտվել են 15,743 ուղևոր», – նշված է հաղորդագրության մեջ։
Ինչպես հայտնում են Երևանի քաղաքապետարանից, հասարակական տրանսպորտի տոմսային համակարգի ամբողջական ներդրման շնորհիվ մետրոն ևս ժետոնների փոխարեն կանցնի QR code-ով ու տարբեր եղանակներով վճարման:
