Մետրոնոմում ռումբի առկայության վերաբերյալ ահազանգ է ստացվել․ Ռոսիա Մոլից էլ մարդկանց մեծ հոսք է նկատվել

Այսօր՝ ապրիլի 8-ին, ժամը 14։13-ին տեղեկություն է ստացվել, որ Երևանի Իսահակյան փողոցի մոտակայքում՝ «Մետրոնոմ» առևտրի կենտրոնում, պայթուցիկ սարք է տեղադրված։

Այս մասին տեղեկացնում են ՀՀ ԱԻՆ պաշտոնական կայքից։

• Ապարանում մեքենաներ են բախվել. 25-ամյա վարորդը մահացել է
• Աղբի տեսակավորման գործում հաճախ հանդիպող սխալներն ու դրանց շտկումը

Նշվում է, որ դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատից մեկ մարտական հաշվարկ, Քաղաքացիական պաշտպանության վարչության քաղաքացիական պաշտպանության ուժերի հավաքական կենտրոնի ինժեներասակրավորական, Բժշկական ապահովման վարչության, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի կինոլոգիական և Հրդեհաշիջման և փրկարարական աշխատանքների կազմակերպման բաժնի հերթապահ խմբերը:

Ինչպես նաև, մեր տեղեկություններով մարդկանց տարհանում է իրականացվել «Ռոսիա Մոլ» առևտրի կենտրոնից ու հնարավոր է, որ այնտեղ ռումբի առկայության վերաբերյալ նույնպես ահազանգ է եղել։