Մեծ Բրիտանիայի վարչապետ Ռիշի Սունակը հաստատել է, որ երկրում համընդհանուր ընտրությունները կանցկացվեն հուլիսի 4-ին։
Ավելի վաղ Sky News-ը հայտնել էր, որ Սունակը մտադիր է ընտրություններ նշանակել հուլիսի 4-ին։ Մինչ այս վարչապետը բազմիցս հայտարարել էր, որ ընտրությունները նախատեսված են «տարվա երկրորդ կեսին»։ Դրանք պետք է տեղի ունենան 2025 թվականի հունվարից ոչ ուշ։
«Համընդհանուր ընտրությունները կանցկացվեն հուլիսի 4-ին»,- ասել է նա՝ կառավարության նիստից հետո Դաունինգ սթրիթում ունեցած ելույթի ժամանակ։ Հեռարձակումն իրականացրել է Sky News-ը։
