Մեծ Բրիտանիայի վարչապետ Թերեզա Մեյը և Գերմանիայի կանցլեր Անգելա Մերկելը ապրիլի 9-ին Բեռլինում կայացած աշխատանքային նախաճաշի ընթացքում քննարկել են Brexit-ի հետաձգման հարցը: Այս մասին հայտնել է բրիտանական կառավարության ղեկավարի դիվանատունը:
«ԵՄ-ի վաղվա գագաթնաժողովի նախաշեմին ղեկավարները քննարկեցին ԵՄ-ի մասին Լիսաբոնի պայմանագրի 50-րդ հոդվածի գործողությունը մինչև հունիսի 30-ը երկարացնելու վերաբերյալ Մեծ Բրիտանիայի խնդրանքը՝ այն ավելի վաղ ժամկետ տեղափոխելու հնարավորությամբ, եթե համաձայնագիրը վավերացվի ավելի շուտ»,-ասված է հաղորդագրության մեջ:
Դիվանատանը նշել են, որ Մեծ Բրիտանիայի վարչապետը կանցլերին տեղկացրել է այն «քայլերի մասին, որոնք բրիտանական կառավարությունը կատարում է Brexit-ի գործընթացը հաջողությամբ ավարտելու համար», և Մերկելին իրազեկել է ընդդիմադիր Լեյբորիստական կուսակցության հետ թորիների կաբինետի շարունակվող բանակցությունների մասին:
«Ղեկավարները կարևորել են ԵՄ-ից Մեծ Բրիտանիայի կանոնակարգված դուրս գալու ապահովումը»,-ընդգծել են Մեյի գրասենյակում։
ԽՈՐՀՈւՐԴ Է ՏՐՎՈւՄ ԿԱՐԴԱԼ
