ՀՀ ԱԺ «Բարգավաճ Հայաստան» խմբակցության անդամ Արտյոմ Ծառուկյանը, ՍԴ դատավորի թեկնածու Գոռ Հովհաննիսյանին դիմելով, նշեց՝ ներկայացված փաստաթղթերն անգլերեն և գերմաներեն են, ապա հարցրեց.
«Ինչպե՞ս եք վերաբերվում այդ հանգամանքին, որ թե՛ հանրապետության նախագահին, թե՛ ԱԺ-ին օտարալեզու փաստաթղթեր եք ներկայացնում, եթե Ձեր ելույթում պետական մարմինների նկատմամբ հարգանքի մասին եք խոսում: Մեզ մոտ պետական լեզուն հայերենն է»:
Հովհաննիսյանը նշեց, որ երկրորդ անգամ ներկայացրել է հայոց լեզվով համառոտ թարգմանությունը, որ ինքն է արել:
«Այսինքն՝ թարգմանությունը կա ու կարելի է ծանոթանալ»,- նշեց նա:
Ինչին Ծառուկյանն արձագանքեց.
«Այսինքն՝ ընդունում եք, որ այդտեղ բացթողում է արվել, որովհետև դժվար իմանաք՝ պատգամավորներից քանիսն են տիրապետում գերմաներենին ու անգլերենին»:
![](https://azat.tv/wp-content/uploads/2022/09/azattvlogoblack.png)