ՌԴ ԱԳՆ պաշտոնական ներկայացուցիչ Մարիա Զախարովան ճեպազրույցի ժամանակ նշել է, որ Մոսկվան մտադիր է Վաշինգտոնի հետ լուրջ զրույց ունենալ՝ կապված Ռուսաստանում չարտոնված բողոքի ակցիաների վերաբերյալ ամերիկյան կողմի հայտարարությունների հետ։
«Մենք այս թեման կպահենք մեր տեսադաշտում և լուրջ զրույց կունենանք Վաշինգտոնի հետ։ Հավաստիացնում եմ ձեզ, լուրերը երկար սպասել չեն տա»,- ասել է Զախարովան։
Զախարովան շեշտել է, որ Ռուսաստանի հասցեին մարդու իրավունքների խախտումների մասին իր հռետորաբանությամբ ԱՄՆ-ն չի կարող հանրության հայացքը հեռացնել սեփական խնդիրներից։
