Արդեն հայտնի է դարձել, որ ԱՄՆ-ն 3000 հոգուց բաղկացած լրացուցիչ զորքեր է տեղակայելու Աֆղանստանի մայրաքաղաքի օդանավակայանում, որ նրանք ապահովեն այդ երկրից հեռացող ամերիկացիների անվտանգությունը։
Պենտագոնից հայտնել են, որ զորքի հիմնական մասի տեղակայումն ավարտվելու է այս շաբաթվա վերջին։
ԱՄՆ պաշտպանական գերատեսչությունից ասել են, որ թալիբները դեռևս սպառնալիք չեն ներկայացնում մայրաքաղաք Քաբուլի համար։ Նշվում է, որ զինյալները ցանկանում են մեկուսացնել քաղաքը երկրի մնացած հատվածից։
