Վարչապետ Բորիս Ջոնսոնի հետ ունեցած կոնֆլիկտի պատճառով Մեծ Բրիտանիայի աշխատանքի և թոշակների գործերով նախարար Էմբեր Ռադը լքել է իր պաշտոնն ու պահպանողական կուսակցությունը: Այս մասին հայտնում է РИА Новости-ն:
«Լքել եմ նախարարների կաբինետն ու հրաժարվել եմ պահպանողական կուսակցությունում իմ մանդատից: Ես չեմ կարող անմասն մնալ, երբ լավագույն պահպանողականներին վտարում են»,-ասել է Ռադը:
Ավելի վաղ Ջոնսոնը կուսակցությունից հեռացրել էր 21 պահպանողական պատգամավորի, որոնք անտեսել էին իր կոչը և մերժել էին կառավարության տեսակետը Brexit-ի հարցում:
