Իսրայելի վարչապետ Բինյամին Նեթանյահուն Իրանին ուղղված հերթական սպառնալիքով է հանդես եկել. տեղեկացնում է France-Presse գործակալությունը:
Հայֆա նավահանգստի ռազմածովային բազա կատարած այցի ընթացքում Նեթանյահուն Իրանին զգուշացրել է, որ իսրայելական հրթիռները շատ հեռու կարող են թռչել:
«Հրթիռները, որոնք դուք տեսնում եք իմ հետևում, կարող են շատ հեռու թռչել, ցանկացած թշնամու, այդ թվում՝ մեր տարածաշրջանում Իրանի կողմնակիցների դեմ»,- ասել է Իսրայելի վարչապետը:
Նշենք, որ Բինյամին Նեթանյահուն այսօր Վարշավայում մասնակցելու է ԱՄՆ նախաձեռնած «Խաղաղությունն ու անվտանգությունը Մերձավոր Արեւելքում» խորհրդաժողովին: