«Բարսելոնայի» գլխավոր մարզիչ Էռնեստո Վալվերդեն անկեղծացել է, որ արդեն հոգնել է ՊՍԺ-ի հարձակվող Նեյմարի մասին հարցերից:
«Նեյմարի մասին խոսակցությունները երբեք չեն ավարտվում, նրանք նույնիսկ չեն հանդարտվել։ Ամռանը մենք բոլորս ցանկանում էինք, որ սեպտեմբերն արագ գա, որպեսզի լուրերն ավարտվեն։ Ակումբի դեմ նրա դատական հայցերի մասին բոլոր խոսակցությունները վերաբերում են այն հարցերին, որոնք իմ իրավասության մեջ չեն կամ կապված չեն իմ լիազորությունների հետ, դրանք ներքին հարցեր են։
Ես երազում եմ մամուլի ասուլիսի մասին, որտեղ չեմ պատասխանի Նեյմարի մասին հարցերին»,-Վալվերդեի խոսքերն է փոխանցում ABC-ն։
Նեյմարը «Բարսելոնայում» հանդես է եկել 2013-2017 թվականներին։ Կատալոնական ակումբի կազմում բրազիլացին մասնակցել է 186 հանդիպման և խփել 105 գնդակ:
