Միացյալ Նահանգների հուսիս-արևելքում ուժեղ սառնամանիքների հետևանքով Հյուսիսային Ամերիկայում ամենահզոր՝ Նիագարայի ջրվեժի մասնակի սառեցում է գրանցվել, հայտնում է CNN-ը:
Հեռուստաալիքի փոխանցմամբ՝ սառեցման պատճառը կարող է լինել ձնահողմը, որը հարվածել է այդ տարածաշրջանին: Նշվում է, որ երեքշաբթի ջերմաստիճանն այդտեղ նվազել է մինչև մինուս 20 աստիճան: «Ցուրտ քամին տարածաշրջանում կշարունակվի ևս երկու շաբաթ», – հայտնել է օդերևութաբան Մայքլ Գայը։