Դերասան Նիկո Նատիվիդադի կինը՝ Սիելո Մեյ Էուսեբիոն, հանդես է եկել հայտարարությամբ՝ արձագանքելով իր ամուսնու մասնակցությամբ տարածված սկանդալային տեսանյութին։ Մարտի 6-ին տեղի ունեցած հարցազրույցում դերասանը խոստովանել էր, որ տեսանյութը նկարահանվել է դեռևս 2022 թվականին, և ինքը երկար ժամանակ վախեցել է դրա հրապարակումից։
Էուսեբիոն սոցիալական ցանցերում իր ուղերձում նշել է, որ ընտրել է պահպանել ընտանիքը, սակայն ընդգծել է, որ վստահության վերականգնումը դժվարին ճանապարհ է լինելու։ Նա հորդորել է հանրությանը դադարեցնել կոշտ քննադատությունները՝ շեշտելով, որ իրենց ընտանիքի ապագայի վերաբերյալ որոշումները կայացնում է միայն ինքը։ «Ես կանգնած եմ ամուսնուս կողքին՝ չնայած նրա սխալներին։ Ես նրա կինն եմ, և միայն ես կարող եմ որոշել մեր ընտանիքի ճակատագիրը»,– գրել է նա։
Նատիվիդադը նույնպես հայտարարել է, որ ստանձնում է իր արարքի ողջ պատասխանատվությունը և ներողություն խնդրել իր կատարած սխալի համար։ Զույգը, որը երկու որդի ունի, այժմ կենտրոնացած է հարաբերությունների վերականգնման և երեխաների պաշտպանության վրա։