Ամենամատչելի iPhone 14 Pro-ի գինը կսկսվի 1099 դոլարից: Այս մասին իր Twitter-ում հայտնել է TheGalox_ մականունով հայտնի քաջատեղյակ աղբյուրը, որի արտահոսքերը սովորաբար համընկնում են իրականությանը։
Նշվում է, որ 128 ԳԲ ծավալով կուտակիչով iPhone 14 Pro Max-ի մեկնարկային գինը 1199 դոլար: Ինչպես նաև, ներկայիս սերնդի սմարթֆոնների համեմատ նոր սարքերը կթանկանան յուրաքանչյուրը 100 դոլարով։
Ըստ աղբոյւրի՝ երկու հեռախոսներն էլ կստանան նոր Apple A16 Bionic պրոցեսոր, 8 գիգաբայթ օպերատիվ հիշողություն և 128 գիգաբայթից մինչև 1 տերաբայթ ներքին հիշողություն, հիմնական տեսախցիկ երեք ոսպնյակներով՝ 48, 12 և 12 մեգապիքսել լուծաչափով, Always On Display ռեժիմի աջակցություն: iPhone 14 Pro-ն կունենա 3200 միլիամպ/ժամ մարտկոց, իսկ iPhone 14 Pro Max-ը՝ 3232 միլիամպ/ժամ:
