fbpx
Հասարակություն

12:32 31/8/2019

Նոր մանրամասներ Վրաստանում ավտովթարից տուժած ՀՀ քաղաքացիների վերաբերյալ

ՀՀ առողջապահության նախարարությունը հայտարարություն է տարածել, որում նոր տվյալներ են հաղորդվում է Վրաստանում տեղի ունեցած ավտովթարից տուժած ՀՀ քաղաքացիների վերաբերյալ։

«Երևան-Բաթումի ուղևորափոխադրումներ իրականացնող միկրոավտոբուսի վթարի հետևանքով տուժած հայրենակիցների թիվը հասել է 16-ի։

Նախնական տվյլաներով՝ Վրաստանի տարբեր հիվանդանոցներում գտնվող քաղաքացիներից 4-ի վիճակը ծայրահեղ ծանր է։ Նրանցից 6-ը ստացել են համապատասխան բուժօգնություն և դուրս են գրվել, 3-ի վիճակը գնահատվում է բավարար, իսկ 3 տուժածների մասին այս պահին հավելյալ տեղեկատվություն է հավաքվում։

Առողջապահության նախարարությունը կապի մեջ է վրացի գործընկերների հետ, վերջիններիս Հայաստան տեղափոխելու և բուժօգնությունը կազմակերպելու հարցում։

Կտրվի լրացուցիչ տեղեկատվություն», – ասված է հայտարարության մեջ։

Ավելի վաղ ՀՀ ԱՆ կրկին նախնական հայտարարությամբ էր հանդես եկել, ինչպես նաև հայտարարությամբ էին հանդես Վրաստանում ՀՀ դեսպանությունը և ՀՀ ԱԻՆ-ը։

Վերեվ