Բժշկական գիտությունների դոկտոր, վիրուսոլոգ Վիկտոր Զուևը խոսել է կորոնավիրուսի նոր տեսակի առանձնահատկությունների մասին, որն առաջինը գրանցվել էր Մեծ Բրիտանիայում։
Այս մասին հայտնում է РИА Новости-ն։
Ավելի վաղ բրիտանացի մասնագետները հայտնել էին, որ կորոնավիրուսի բրիտանական տարբերակը 70 տոկոսով ավելի վարակիչ է ու արագ է տարածվում։
Զուևն էլ իր հերթին է նշել, որ այն դարձել է ավելի վարակիչ ու վերջ։ Նրա խոսքով՝ պետք չէ վախենալ նոր շտամից, պետք է ուղղակի հետևել այն խորհուրդներին, որոնք ամեն օր ասվում են։
Աղբյուրից հայտնում են, որ բրիտանացի մասնագետները մինչ այս ոչ մի ապացույց չեն ներկայացրել, որ նոր տարբերակն ավելի մահացու է ու բերում է հիվանդության ավելի բարդ ընթացքի։
Նշվում է, որ ավելի վաղ հայտարարվել էր ռուսական պատվաստանյութերը պահպանում են իրենց արդյունավետությունը նաև այս մուտացված շտամի դեպքում։
