Նոր Զելանդիայի բնակիչները սարսափած են արվեստի պատկերասրահի տանիքին տեղադրված դեմքով հսկայական ձեռքից
Վելլինգթոն քաղաքի բնակիչները սարսափած են արվեստի պատկերասրահի տանիքին տեղադրված դեմքով հսկայական ձեռքից, հաղորդում է Daily Mail-ը:
Մոտ 5 մ բարձրությամբ քանդակը, որը ստացել է «Քվազի» անվանումը, ստեղծվել է 2016-ին նկարիչ Ռոննի վան Հուտի կողմից ֆրանսիացի դասական Վիկտոր Հյուգոյի «Փարիզի Աստվածամոր տաճարը» գրքի հայտնի Քվազիմոդո հերոսի հիշատակին եւ երկուշաբթի ուղղաթիռի միջոցով տեղադրվել պատկերասրահի տանիքին:
«Քվազին» կշռում է 400 կգ, քանդակի ստեղծման համար ծախսվել է 39 հազար ֆունտ սթերլինգ: Նշենք, որ սկզբում քանդակը տեղադրվել էր Քրայսթչըրչում արվեստի պատկերասրահի տանիքին:
Երկրի բնակիչները ստեղծագործությունը սարսափելի եւ վրդովվեցնող էին անվանել: Քանդակից իրենց դժգոհությունն են հայտնել նաեւ սոցցանցերի օգտատերերը՝ նշելով այն հիշեցնում է կենդանացած գիշերային մղձավանջ:
Իսկ որոշ օգտատերեր նաեւ հայտնել են, որ Քվազիի դեմքը հիշեցնում է նախագահ Դոնալդ Թրամփին եւ անգամ Ադամս ընտանիքի որոշ անդամների:
