Նոր Զելանդիայի իշխանությունները սկսել են իրականացնել բնակչությունից զենքը հետ գնելու սխեման Քրայսթչերչի մզկիթների վրա մահացու հարձակումներից հետո։ Այս մասին տեղեկացնում է BBC News-ը։
Նշվում է, որ կիսաավտոմատ զենքի սեփականատերերի համար, որին վերաբերում է այս նախաձեռնությունը, նախատեսված է փոխհատուցում 136 մլն դոլարի չափով։
Այդ գումարը փոխհատուցում է զենքի արժեքի մինչեւ 95 տոկոսը։
Զենք պահելու արգելքն արժանացել է Զոր Զելանդիայի խորհրդարանի հավանությանն ապրիլին, ողբերգությունից մի քանի շաբաթ հետո։
Սխեման աշխատելու է միայն գրանցված զենքի պարագայում, կես տարվա ընթացքում. մինչեւ դեկտեմբերի 20-ը զենք ունեցողները պետք է հանձնեն զենքը։
«Սխեմայի միակ նպատակը շրջանառությունից առավել վտանգավոր զենքի դուրսբերումն է»,- ասել է Նոր Զելանդիայի ոստիկանության նախարար Սթյուարտ Նեշը։
Նա տեղեկացրել է, որ ոստիկանության հաջորդ քայլը լինելու է հրազենային զենքի հավաքումը բնակչությունից։ Այդ գործընթացը կսկսվի հուլիսի կեսին։
Ոստիկանության հաշվարկներով՝ նոր օրենքով կարգելվի 14300 միավոր ռազմական կիսաավտոմատ զենք։