Պետության ու տեղական ինքնակառավարման մարմինների կառավարումը շանտաժով, դոսյեներով ու կոռուպցիոն մեխանիզմներով իրականացնելու արդյունքում գործող իշխանությունները պետականության հիմքերի խաթարման են տանում: Եթե ներսից ընդդիմացող չկա, պետական ապարատը պարալիզացվում է, իսկ ժողովրդին անընդհատ համոզում են, նաև իրենց նախորդողների միջոցով, որ ոչինչ փոխել հնարավոր չէ, ապա մի դժգույն օր կամ ավարտվելու են Հայաստանն ու Արցախը, կամ սամասուդի են ենթարկվելու իրենք վերից վար:
Անհնար է որևէ լավ բան ակնկալել, քանի որ տեսել ենք դրա վրա հիմնված կառավարումը, ինչպես է խափանվել անվտագությունը, ինչպես է կոտրվել պաշտպանությունը, ինչպես են տնտեսական ռազմավարական նշանակության օբյեկտները հանձնվել Ռուսաստանին, և ինչպես է այդ ամենը չարիք բերել երկրին: Իսկ հիմա ավելի մեծ թափով դրա իրականացումը անկախության կորստի է հանգեցնելու:
Ընթացքը դանդաղեցնել, կասեցնել և չեղարկել է հարկավոր: Դրա միակ ձևը պայքարելն է հանուն պետականության և համաժողովրդական նպատակներին հասնելու համար: Դա ոչ միայն փողոցային պայքարով պետք է արվի, այլև պետական մշակույթի արժևորմամբ ու հաստատմամբ:
Նարեկ Այվազյան
Azat TV մեդիանախաձեռնության հիմնադիր