Պետք է պետություն կառուցենք, որ ազգն ապրի․ ոչ մի օտար դա մեր փոխարեն չի անելու․ Հրանտ Վարդանյան

Հրանտ Վարդանյանը Facebook-ի իր էջում գրառում է կատարել։ Գրառման մեջ ընդգծել է՝ երեսուն տարի ազգի հաշվին պետություն ենք խաղում:

«Պետք է պետություն կառուցենք, որ ազգն ապրի: Ոչ մի օտար դա մեր փոխարեն չի անելու:

Բավական է պրոլետարիատի մեջ առաջնորդներ փնտրենք,հերոսացնենք,տապալենք,որ նորից հերոսացնենք: Սրանք՝ օտարների անվերջանալի ծրագրերի, մանիպուլյաատիվ հնարքներից ու ձևերից են,որոնք փաթաթան է արվում ամբոխի վզին, որպեսզի կառավարվող գաղութ մնանք:

Քանի դեռ չենք հասկացել, որ պետություն ունենալու համար միայն գիտակներ ու գերազանց մասնագետներն են կարևոր, ոչինչ չի փոխվի:

Քանի դեռ պետության գլխավոր կերպարները, ոչ թե մասնագետն ու գիտակն է, այլ հռետորը,գավառամիտ կուսակցական լոզունգներ ասողն ու աթոռակռվի պատրաստ կուսակցապետները, ոչ մի լավ տեղ չենք կարող գնալ:

Մենք անվերջ տանուլ ենք տալու, քանի դեռ չունենք անսասան, պետական մտածելակերպ ունեցող հայկական ազգային անվտանգության համակարգ,քանի դեռ չունենք՝պետական մտածելակերպ ունեցող քաղաքական վերնախավ, որն երեսուն տարում այդպես էլ չձևավորեց:
Մենք տանուլ ենք տալու՝քանի դեռ պետական ինստիտուտների ճակատին դաջված չի՝ միայն ազայիգին ու ժողովրդավարական շահ հասկացողոթյունը:

Հ.Գ.
Քանի դեռ՝ մեր հեռացող ու մնացող կառավարիչների կախվածությունը այլ ժողովրդների, այլ պետությունների շահերից է բխելու՝մեզ հավերժ կպահեն տգիտոթյան ,փնթիության, գավառամիտ կառավարման մոդելների շրջանակում, իսկ մոդելի տեսակը ամեն անգամ կընտերն նորերը՝ըստ իրենց ենթադրվող ճաշակի ու մտքի կարողությամբ,այլ ոչ թե պետական անսասան ձևաչափի»,- ասված է գրառման մեջ։

https://www.facebook.com/grant.vardanyan/posts/4623068921068061