Porsche-ն մասամբ գաղտնազերծել է Macan էլեկտրական քրոսովերը։ Ապրանքանիշի պաշտոնական կայքը հայտնում է, որ Macan EV-ի պրեմիերան նախատեսված է 2024 թվականի հունվարի 25-ին։ Դեբյուտային ամսաթվի հետ մեկտեղ Porsche-ն հրապարակել է նաև մոդելի նոր թիզերը, որը ցույց է տալիս նեղ հետևի լույսը ետնամասի ամբողջ լայնությամբ և հետ քաշվող սփոյլեր. այն կբացվի որոշակի արագությամբ՝ ավելի լավ աերոդինամիկայի համար: Ի դեպ, ավելի վաղ Porsche-ն հայտարարել էր, որ էլեկտրական քրոսովերի աերոդինամիկ դիմադրության գործակիցը կկազմի 0,25՝ բենզինայինի 0,35-ի դիմաց։
