Կորոնավիրուսի բռնկումը ազդել է Պորտուգալիայի սպառման և ներդրումների վրա, արդյունքում երկրի տնտեսությունը ռեցեսիայի մեջ կհայտնվի, իսկ արտահանման ոլորտը կփլուզվի, այս մասին հայտնել է Երկրի կենտրոնական բանկը:
ԿԲ-ի կանխատեսումների համաձայն` 2020 թվականին սպասվում է ՀՆԱ-ի նվազում 3.7-ից մինչև 5.7 տոկոսով:
Գործազրկության մակարդակն այս տարի կբարձրանա մինչև 10.1-11.7 տոկոս` 2019-ի 6.6 տոկոսի համեմատ:
Այս մասին հայտնում է Reuters-ը:
Հայտնենք, որ երկրի տնտեսությունը հիմնականում հիմնված է արտահանման, զբոսաշրջության ոլորտների և մասնավոր ներդրումների վրա և 2014 թվականից կայուն աճ էր ապրում:
Կորոնավիրուսի տարածման համաշխարհային վիճակագրությանը իրական ժամանակում կարող եք հետևել այս էջում՝ azat.tv/coronavirus, իսկ ախտանիշների և պաշտպանվելու հիմնական միջոցառումների մասին՝ կարդալ այստեղ։
