Կրեմլի մամուլի ծառայությունը հայտնում է՝ Ռուսաստանի նախագահ Վլադիմիր Պուտինը հայտարարություն է տարածել Միջին և փոքր հեռահարության հրթիռների պայմանագրի վերաբերյալ և առաջարկել միջոցառումներ Եվրոպայում լարվածությունը թուլացնելու համար:
«Պայմանագիրը միջազգային անվտանգության և ռազմավարական կայունության ճարտարապետության կարևոր տարրն է: Պայմանագիրը հատուկ դեր է խաղացել եվրոպական տարածքում հրթիռների ոլորտում կանխատեսելիության և զսպվածության պահպանման գործում»,- ասված է փաստաթղթում, որը տարածվել է Կրեմլի մամուլի ծառայության կողմից: