Ռուսաստանի նախագահ Վլադիմիր Պուտինը դեկտեմբերի 4-5-ը պետական այցով կմեկնի Հնդկաստան՝ Հնդկաստանի վարչապետ Նարենդրա Մոդիի հրավերով։ Այցի ընթացքում նախատեսվում է քննարկել միջազգային և տարածաշրջանային արդիական թեմաներ, ինչպես նաև անդրադառնալ ռուս-հնդկական հարաբերությունների զարգացման հարցերին։ Հատուկ ուշադրություն կդարձվի քաղաքական, առևտրատնտեսական, գիտատեխնոլոգիական և մշակութային-հումանիտար ոլորտներում համագործակցության ընդլայնմանը։
Հնդկաստանի վարչապետի գլխավորած պատվիրակության հետ բանակցությունների ընթացքում կքննարկվեն նաև ռազմավարական գործընկերության խորացման հնարավորությունները։ Ռուսաստանի նախագահը նախատեսում է հանդիպել նաև Հնդկաստանի նախագահ Դրոուպադհի Մուրմուի հետ։ Այցի արդյունքներով կողմերը կընդունեն համատեղ հայտարարություն և կստորագրեն մի շարք երկկողմ փաստաթղթեր։ Այս այցը կարևոր նշանակություն ունի երկու երկրների միջև հարաբերությունների ամրապնդման և նոր հեռանկարների բացահայտման համար։