Ռուսաստանի պետական հեռուստաընկերությունները՝ Առաջին ալիքն ու Россия 24-ը, YouTube-ում արգելափակել են հաշվիչները, որոնք ցույց էին տալիս՝ քանիսն են հավանել՝ like կամ dislike դրել ՌԴ նախագահ Պուտինի ամանորյա ուղերձի տակ: Արգելափակված է նաև մեկնաբանություններ թողնելու էջը:
Մինչ այդ՝ երեկ կեսօրին, երբ հաշվիչները դեռ աշխատում էին, մի շարք լրատվամիջոցներ,այդ թվում Эхо Москвы ռադիոկայանը, Дождь հեռուստաընկերությունը արձանագրել էին՝ Պուտինի ուղերձը չէր հավանել 66 հազար մարդ, հավանել էր 12 հազարը: Մասնավոր НТВ հեռուստաընկերության հաշվիչը դեռ աշխատում է, ըստ այդմ՝ Պուտինի ելույթը դուր է եկել մոտ տասը հազար մարդու, ավելի քան 47 հազարը, մինչդեռ, այն չեն հավանել:
Աղբյուրը՝ Azatutyun.am