Ռուսաստանի Դոնի Ռոստով քաղաքի 22 դպրոցի բակում կտեղադրվի մարշալ Հովհաննես Բաղրամյանի հուշարձանը։
Այս մասին տեղեկանում ենք Հարավային ռազմական օկրուգի տարածած տեղեկատվությունից։
Նշվում է, որ հուշարձանի հանդիսավոր բացումը տեղի կունենա դեկտեմբերի 2-ին, որին կմասնակցեն մի շարք զինվորականներ։ Դեկտեմբերի 2-ը մարշալի ծննդյան օրն է։
Նշենք, որ Բաղրամյանը Խորհրդային Միության կրկնակի հերոս է, ինչպես նաև Խորհրդային Միության մարշալ։
Բաղրամյանը մահացել է 1982 թվականին։ Նրա աճյունը թաղված է Մոսկվայի Կարմիր հրապարակում գտնվող Կրեմլի պատի մեջ։