ՌԴ-ում սպանված գործարարը ՀՀ քաղաքացի էր

Ինչպես հայտնել էինք` ՌԴ Մոսկվայի մարզի Կրասնոգորսկի քաղաքային շրջանի Պուտիլկովո համայնքի բնակարաններից մեկում հայտնաբերվել է հայազգի գործարար Մհեր Սարաջյանի դին։

Ըստ ՌԴ-ում ՀՀ դեսպանության ճշտած տվյալների՝ Սարաջյանը եղել է ՀՀ քաղաքացի։

Համաձայն իրավապահ մարմինների կողմից փոխանցված տեղեկատվության՝ գործարարի մահվան պատճառ են դարձել դանակով հասցված բազմաթիվ վնասվածքները:

Դեպքի առնչությամբ հարուցվել է քրեական գործ:

ՌԴ-ում ՀՀ ՔԿ ներկայացուցիչը մշտական կապ է պահպանում ՌԴ իրավապահ մարմինների հետ։