Հայաստանի ազգային հավաքականի նախկին պաշտպան Ռոբերտ Արզումանյանն այն 28 մասնագետներից մեկն է, որը հաջողությամբ ավարտել է ՀՖՖ-ի կողմից կազմակերպված մարզչական C արտոնագրի դասընթացն ու արտոնագիր ստացել:
Արզումանյանը ֆեյսբուքյան իր էջում լուսանկար է հրապարակել ու գրառում կատարել.
«Ցանկանում եմ իմ խորը երախտիքը հայտնել Խինես Մելենդեսին, Անտոնիո Ֆլորեսին և Ռուբեն Լեսկանոյին հայ մարզիչներին կրթելու հարցում այսքան հիանալի աշխատանք կատարելու և հայկական ֆուտբոլը զարգացնելու համար:
Շնորհակալություն նաև Հայաստանի ֆուտբոլի ֆեդերացիային այս ամենը կազմակերպելու և այս եզակի հնարավորությունն ընձեռելու համար: Առանձնահատուկ շնորհակալություն թարգմանիչներին մեր հաղորդակցությունը հնարավոր դարձնելու և ծրագրի ամեն քայլում մեզ օգնելու պատրաստակամության համար»,- գրել է Ռոբերտ Արզումանյանը ֆեյսբուքի իր էջում:
Հիշեցնենք` ՀՖՖ մարզչական ներածական (C) դասընթացի արդյունքում 42 մասնակցից (այդ թվում՝ 20 կին) պատվոգիր է ստացել 28-ը։ Մյուսներն ունեն քննությունները վերահանձնելու իրավունք։
Գործնական և տեսական դասերը կայացել են երկու փուլով՝ մայիսի 2-ից 5-ը և հունիսի 24-ից 30-ը։
ԽՈՐՀՈւՐԴ Է ՏՐՎՈւՄ ԿԱՐԴԱԼ
