«Յուվենտուսի» պորտուգալացի հարձակվող Կրիշտիանո Ռոնալդուն Պիեր Մորգանին տված հարցազրույցի ժամանակ չի կարողացել զսպել արցունքները։ Պորտուգալացին հուզվել է, երբ հարցազրույցի ժամանակ ցուցադրել են նրա հանգուցյալ հոր մասնակցությամբ տեսանյութ, որը Ռոնալդոն երբևէ չէր տեսել:
Հարցազրույցը եթեր կգնա այսօր երեկոյան՝ բրիտանական հեռուստաալիքներով:
Ռոնալդուն դիտել է հոր մասնակցությամբ տեսանյութը, որում նա պատմում է, թե ինչքան է հպարտանում իր որդով:
Ռոնալդուն նշել է, որ սպասում էր, թե ինչ-որ ուրախ բան կտեսնի, սակայն այս տեսանյութը ցնցել է իրեն:
«Ես երբեք, երբեք չէի տեսել այդ տեսանյութը։ Ուղղակի անհավատալի է»,- իր զգացմունքներն է բացատրել լեգենդար պորտուգալացին։ Նա նաև ասել է, թե ինչքան է ափսոսում, որ իր հայրը չի տեսել իր պատմական հաջողությունները ֆուտբոլի ասպարեզում»։
Հիշեցնենք, որ Ռոնալդուի հայրը մահացել է 52 տարեկան հասակում սրտային անբավարարությունից:
https://twitter.com/GMB/status/1173466139302813698
