Թուրինի «Յուվենտուս»-ի հարձակվող Կրիշտիանու Ռոնալդուն խոսել է կարիերան ավարտելու մասին։
Պորտուգալացի ֆուտբոլիստը դեռևս հստակ չգիտի, թե երբ դա տեղի կունենա, սակայն չի բացառում նաև հաջորդ տարվա տարբերակը։ Այս մասին հաղորդում է Goal-ը։
Նրա խոսքով՝ ներկա պահին ինքը փորձում է չմտածել դրա մասին։
«Հնարավոր է, որ հաջորդ տարի ավարտեմ կարիերաս, բայց և կարող եմ խաղալ մինչև 40-41 տարեկանը։ Ես չգիտեմ։
Ես միշտ ասել եմ, որ գլխավորը պահը վայելելն է։ Դա գերազանց նվեր է, և ես շարունակելու եմ վայելել այս ամենը»,-ասել է Ռոնալդուն։
Կրիշտիանու Ռոնալդուն 2018 թվականից հանդես է գալիս Թուրինի «Յուվենտուսի» կազմում։ Մինչ այդ նա 2009-2018 թվականների ընթացքում խաղացել է Մադրիդի «Ռեալում»։
