Արտառոց հանդիպում Տորոնտոյում՝ մտավոր ճգնաժամը հաղթահարելու համար
Ութ խաղ անընդմեջ ձգվող անհաջողությունների շարքը հաղթահարելու փորձով «Տորոնտո Մեյփլ Լիֆսը» դիմել է անսովոր արտաքին օգնության։ Sportsnet հեռուստաալիքի հաղորդմամբ՝ թիմի ավագ Օսթոն Մեթյուզը և գոլֆի աշխարհի լեգենդ Ռորի ՄակԻլրոյը հինգշաբթի օրը՝ Լոս Անջելես Քինգսից 4-3 հաշվով բուլիտային պարտություն կրելուց հետո, մեկ ժամանոց առանձնազրույց են ունեցել: Հաջորդ օրը՝ ուրբաթ առավոտյան, ՄակԻլրոյը և հայտնի սպորտային հոգեբան Դր. Բոբ Ռոտելլան երկժամյա հանդիպում են անցկացրել ամբողջ թիմի և մարզչական կազմի հետ:
Այս միջամտությունը տեղի է ունենում այն ժամանակ, երբ Տորոնտոյի ակումբը գտնվում է խորը ճգնաժամում: Թիմը չի հաղթել վերջին 11 խաղերից 10-ում և չի կարողացել հաղթանակ տանել սեփական հարկի տակ դեռևս հոկտեմբերի 22-ից: Չնայած վնասվածքներն ու կազմի խնդիրները լրջորեն ազդել են արդյունքների վրա, մարզական մեկնաբանները նշում են, որ խնդիրն ունի նաև խորը հոգեբանական բաղադրիչ:
ՄակԻլրոյի առաջին հոկեյային այցը և օրինակը
37-ամյա գոլֆիստ Ռորի ՄակԻլրոյի համար հինշաբթի օրվա խաղը առաջին հոկեյային հանդիպումն էր նրա կյանքում: Նա հայտնվել էր մարզադահլիճի էկրանին՝ արժանանալով հանդիսատեսի բուռն ծափահարություններին, ինչպես նաև մտել էր հանդերձարան՝ խաղից առաջ հայտարարելու Մեյփլ Լիֆսի մեկնարկային կազմը: Թիմի գլխավոր մարզիչ Ջիմ Հիլերը կարևորել է ՄակԻլրոյի անձնական փորձը՝ որպես օրինակ խաղացողների համար: Sportsnet-ի փոխանցմամբ՝ Հիլերը նշել է, որ ՄակԻլրոյը կարողացել է հաղթահարել կարիերայի ծանրագույն ճգնաժամերը, ներառյալ 2011 թվականի Մասթերսի անհաջողությունը և տասնամյա ընդմիջումը տիտղոսների միջև: «Նա անցել է դժվարին ժամանակների միջով և ուժ գտել առաջ շարժվելու համար», – ասել է Հիլերը:
Բոբ Ռոտելլայի մտավոր մարտավարությունը
Որպեսզի թիմը հաղթահարի հոգեբանական ճնշումը, ՄակԻլրոյի հետ Տորոնտո էր ժամանել հոգեբան Բոբ Ռոտելլան, ով հեղինակել է «Ինչպես են մտածում չեմպիոնները» գիրքը: Daily Faceoff-ի տվյալներով՝ ՄակԻլրոյը բարձր է գնահատել Ռոտելլայի ունակությունը՝ բարդ իրավիճակները պարզեցնելու և մտավոր հստակ ուղեցույցներ տալու հարցում: Մարզական վերլուծաբան Էլիոթ Ֆրիդմանն իր հերթին ընդգծել է, որ Տորոնտոյի խաղացողների մոտ ներկայումս առկա է վստահության պակաս. հենց մի փոքր բան սխալ է գնում, թիմը դադարում է հավատալ սեփական հաղթանակին:
Հաջորդ քայլերը շաբաթավերջին
Մեյփլ Լիֆսը շաբաթ օրը սեփական հարկի տակ կընդունի «Կոլումբուս Բլու Ջեքսթսին»՝ փորձելով գործնականում կիրառել ստացված հոգեբանական խորհուրդներն ու մարզիչների ընդհատել պարտությունների շարքը:

