Սաակաշվիլին դադարեցրել է հացադուլը

Վրաստանի նախկին նախագահ Միխեյիլ Սաակաշվիլիի տեղափոխել են Գորիի զինվորական հոսպիտալ և սրանով պայմանավորված նա դադարեցրել է հացադուլը։

Տեղափոխությունն իրականացվել է ուրբաթ երեկոյան։

Այս մասին հայտնում է Rustavi 2-ը։

Սաակաշվիլիի փաստաբանն ասել է, որ նա հացադուլը դադարեցրել է հիվանդանոցում։ Նրա խոսքով՝ տվյալ հիվանդանոցը կառուցվել է Սաակաշվիլիի կողմից և հագեցած է նորագույն տեխնոլոգիաներով։

Հիշեցնենք, որ Սաակաշվիլիին ձերբակալել էին հոկտեմբերի 1-ին, երբ նա ժամանել էր Վրաստան։ Ձերբակալումից հետո Սաակաշվիլին հացադուլ հայտարարեց։