Սադախլոյի անցակետով բեռնատարների մուտքը Վրաստան արդեն թույլատրվում է։ Այս մասին հաղորդում է Վրաստանում Հայաստանի դեսպանության Facebook-ի էջը. Հայտարարությունում մասնավորաբար ասված է.
«Նախապես տեղեկացրել էինք, որ վրացական կողմի փոխանցմամբ Սադախլոյի անցակետով տարանցիկ բեռնափոխադրում իրականացնող բեռնատարների մուտքը Վրաստանի տարածք կթույլատրվի այսօր ժամը 21։00-ից սկսած։
Ցանկանում ենք տեղեկացնել, որ Սադախլոյի անցակետով բեռնատարների մուտքը Վրաստանի տարածք ժամը 17։00-ից սկսած արդեն բաց է»։
https://www.facebook.com/ArmEmbGeorgia/photos/a.368885079920774/1661038207372115/?type=3&theater
Հիշեցնենք, որ այս հրապարակումից առաջ նրանք հայտնել էին, որ Վրաստանի Մառնեուլիի և Բոլնիսիի շրջաններում կարանտինային ռեժիմ մտցնելու պատճառով այս պահին փակ է դեպի Սադախլոյի անցակետ քաղաքացիների տեղաշարժը (սահմանափակումը չի վերաբերում բեռնատարներին)։
«Վրաստանում ՀՀ դեսպանությունն ակտիվ աշխատանքներ է տանում Վրաստանում գտնվող ՀՀ քաղաքացների՝ Վրաստանից ելքն ապահովելու ուղղությամբ»,-ասված էր հայտարարությունում։
ԽՈՐՀՈւՐԴ Է ՏՐՎՈւՄ ԿԱՐԴԱԼ
