Բուխարեստում ավարտվեց ծանրամարտի Եվրոպայի երիտասարդների առաջնության 109 կգ քաշային կարգի տղամարդկանց մրցապայքարը։ Այս քաշում մրցապայքարի դուրս եկավ նաև հայազգի Սամվել Գասպարյանը։
Գասպարյանը պոկում վարժությունում գլխավերևում պահեց 176 կգ-անոց ծանրաձողը, իսկ հրում վարժությունում կարողացավ հրել 214 կգ։ Արդյունքում՝ պոկումում հայ ծանրորդին բաժին հասավ փոքր արծաթե մեդալ, իսկ հրումում և երկամարտում փոքր և մեծ ոսկե մեդալներ։
Այսպիսով՝ Սամվել Գասպարյանը հռչակվեց Մ23 տարեկանների Եվրոպայի չեմպիոն։