«Կանեփ-կակաչ-2019» համալիր օպերատիվ-կանխարգելիչ միջոցառման շրջանակներում ոստիկանության Երևան քաղաքի վարչությունում ստացված օպերատիվ տվյալներն իրացնելիս, նույն վարչության, ոստիկանության ԿՀԴՊԳՎ ԹԱՇԴՊ վարչության և Էրեբունու բաժնի ծառայողները Սարի թաղի տներից մեկի բակից հայտնաբերել են կանեփի 6 բույս:
Ըստ տանտիրոջ հայտարարության՝ դրանք իրենն են, աճեցրել է իր անձնական օգտագործման համար:
Նա ներկայացրել է նաև 33 գրամ քաշով կանեփանման չորացված զանգված:
Նշանակվել են փորձաքննություններ:
Նախապատրաստվում են նյութեր:
Այս մասին տեղեկացնում են ՀՀ ոստիկանության պաշտոնական կայքից։