Սաուդյան Արաբիան առաջին անգամ վիզաներ կտրամադրի զբոսաշրջիկներին, որի միջոցով նրանք կկարողանան երկիր այցելել որպես զբոսաշրջիկ: Այս հնարավորությունը կտրվի 49 երկրների: Երկրների ցանկը դեռ հայտնի չէ:
Տուրիստական վիզայի արժեքը կլինի 80 դոլար։Երկրում գործող սահմանափակումները տարածվելու են նաև զբոսաշրջիկների համար։ Մասնավորապես խոսքը վերաբերում է ալկոհոլի օգտագործման արգելքին։
Սակայն, նշվում է, որ զբոսաշրջիկներին չի պարտադրվի կրել արաբական տարազ, իսկ կանանց միայն հորդորելու են կրել «համեստ հագուստ»։
